أطباق رئيسيه لحوم

وصفات طهى اللحوم 

- كفته الحاتى 

نجيب لية ونفرمها وزنها ربع وزن اللحم وملح وفلفل قليل علشان 

لسة حنحط في البصل

الغلطة اللي كتير بيعملوها بيجطوا عصير البصل في اللحمة علشان 

كدة طعمها مختلف عن الجاهزة لكن احنا هنا نجيب طبق نحط فيه 

عصير البصل وملح وفلفل وبهارات

ابدأ اشكلها بلشكل ده 

طريقة تانية: نشكل الكفتة بنفس الطريقة وحول السيخ بس اخلعه منه علشان يعني فراغ 

يساعد علي السوا من جوة ونرصها في صينية ونسخن الفرن النار العلوية لمدة 10 

دقايق وندخل الصاج عالي وقريب من النار لحد لما تتماسك بس

هنا بعد لما خرجت من الفرن اسخن الشواية سواء كهربا او فحم 

واحط الكفتة تكمل سواها وانقلها علي البقدونس والطريقة دي 

اسهل

وبالف هنا وشفا مع السلطات

*************************************

الكمونيه *

نص كيلو لحم مقطعه مكعبات صغيرة شوية-3 فص توم-ملعقة كمون 

-ملح وفلفل

***********************
نحط التوم والكمون في ملعقتين زيت علي النار لحد لما تصفر

نضيف اللحم ونقلبها مع التوم والكمون

ونضيف الفلفل ونقلب لحد لما اللحمة تاخد لون خفيف

نضيف لها كوب مية واول لما تغلي نغطيها ونوطي النار لحد لما 

تستوي

نضيف الملح ونسيبها علي النار حوالي 5 دقايق ونطفي

وبالف هنا وشفا

***************************************

الكبده المقليه بالطريقه المصريه 

نص كيلو كبدة مقطعة ترنشات رقيقة زي البفتيك 

التتبيلة: ملعقة توم مفروم -ملح -فلفل -بهارات -عصير نص ليمونة

ونتبل فيها الكبدة

نجيب طبق فيه كميتين متساويتين من الدقيق والردة (نخالة الدقيق 

)ونقلبهم 

نحط ترنشات الكبدة فيها من كل ناحية ونعمل الكمية كلها ونبدا في 

القلي

نقليها في زيت غزير لمدة دقيقة من علي الوجهين لان كتر الوقت 

في الزيت بينشفها 

ننشل الكبدة ونحطها في مصفي لحد لما الكمية تتقلي كلها

ثم ننقلها علي ورق مطبخ او علي بقدونس ونرش عليها كسبرة 

ناشفة ودي اختياري

وبالف صحة وعافية مع سلطة طحينة وسلطة الكبدة ...انتظروها 

دلوقتي

بصحة وعافية

مع سلطة طحينة وسلطة خضرا

**********************************

الكبيبه

نص كيلو برغل -نص كيل لحم مفروم -بصلة متوسطة -ملح وفلفل 

وبهارات-ملعقة صغيرة قرفة

الحشو لحم مفروم معصجة 

ينقع الرغل في المية مش اقل من ساعة وكل ماطال الوقت كانت 

نتيجة افضل(ويتعصر كويس من المية)

يضاف له اللحم والتوابل وملعقة نشا (مهمةبتساعد العجينة علي 

التماسك) ويفرم الجميع اكتر من مرة لحد لما تبقي عجينة ناعمة 

ويفضل المفرمة اليدوي مرتين عن تجربة نتيجتها افضل

ممكن يضاف الصنوبر في الحشو

بعد لما نتركها تستريح شوية نعمل كرات ونحشيها بالعصاج ونقفلها 

كويس ولو العجينة بتلزق في اليد احط جنبي طبق فيه شوية مية

 ادهن يدي بيه خفيف واشكل الكبيبة واحطها في صينية مرشوشة 

دقيق خفيف علشان ماتلزقش

(وهنا دي المرحلة اللي تتجمد لو حابين تخزين)

تقلي الكمية المطلوبة في زيت غزير

وتقدم بالف هنا وشفا

*********************************

فته الكوارع 

حنجيب الكوارع متقطعة ونغسلها كويس

نحط الكوارع في مية علي النار وبعد غليانها نرمي المية ونحط ميه 

جديدة علشان نتخلص من الزفرة

نحط مية جديدة ونخرط فيها بصلة وملح وفلفل اسود ولما تغلي 

نوطي النار ونغطي الحلة ونسيبها لحين السوا بس هي بتاخد وقت 

طويل في السوا وممكن في منتصف السوا نطفي النار لمدة ساعة 

ونولع تاني نكمل سواها

ده بيساعد علي تفتيح اللحم من بعضه

وهنا بعد لما استوت وبدا اللحم ينفصل عن العضم

نعمل الصلصة :نحمر ملعقة توم مفروم في ملعقة سمن ثم نضيف 

عصير الطماطم لحد لما تتصلص ونحط الفلفل الاسود ونزود شوية 

مية ونحط الملح حسب الذوق ونسيبها تغلي ونطفي عليها ولو 

لونها فاتح ممكن ازود بملعقة صلصة

نعمل رز ابيض (بس رز مصري )نقلبه في سمن ونحط مية بمقدار 

الرز مرة ونص والملح حسب الذوق ولما تغلي المية اوطي النار لحد 

لما يستوي بس في وسط وقت السوا اقلبه من تحت لفوق ولو 

ناشف ممكن ازود شوية مية صغيرين

احمص الخبز في الفرن ولو خبز عربي اقليه في الزيت

اسقيه بالمرقة السخنة واغطيه لحد لما يبوش او لوقت الاكل

الدقة : احمر توم مفروم واحط عليه ملعقتين خل واطفي

نغرف الول حاجة الخبز ثم الرز وعليه الصلصة والدقة نوزعها بالملعقة 

علي الطبق

ممكن نحط الكوارع سليمة في طبق جانبي في المرقة

وممكن نخليها من العضم ونحطها علي وش الطبق بتكون اسهل 

في الاكل وتحافظ علي نضافة اليد

وبالف صحة وعافية

********************************