شوربه

الشوربه 

- شوربه العدس 

جزرة -وبصلة متوسطه- كمية قليلة من التوم -وحبة بطاطس صغيرة 

-وحبة طماطم متوسطة انا هنا حطيت نص واحدة كبيره

نص كيلو عدس اصفر

نغسل العدس كويس (هنا ربع كيلو يعني نص كيس )ونحطه في الحلة ونحط عليه الخضار المقشر ومغسول ونضيف ميه تغطيه ولما تغلي نوطي النار ونغطي للسواء

نتاكد من السوا لما الخضار يستوي تماما

اضربه في الخلاط كويس

اصفيه في مصفا ضيقة وانقله لحلة تاني نضيفة

احمر بصله  صغيرة في سمن بلدي وده حاجة اختياري ولو مش عايزين بصل بلاش 

بس احط ملعقة السمن فالشوربة

اضيف البصل المتحر في الشوربة واغليها بيه

تقدم بالف هنا وشفا وممكن نعصر عليها ليمون حسب الرغبة

********************************************

شوربه الطماطم

نحمر بصلة متوسطة ومقطعة مكعبات

اضيف اليه عصير طماطم لحد ما تطخن الطماطم ويقل الماء اضيف 

مرقة

اضيف جزرة مقطعة واسيبها تستوي وبعد السوا اضربها في الخلاط 

مع اضافة الملح والفلفل ولو كان قوام غليظ زيادة عن المطلوب 

ازودها مرقة او مية

تقدم مع الخبز المحمص وليمون وممكن اضافة كريمة حسب الرغبة

******************************

شوربه الكريمه بالفراخ

صدر فرخة مسلوق ومنزوع العضم ومقطع قطع صغيرة -مشروم 

-2ملعقة كبيرة دقيق -نص كوب كريمة لباني -2كوب من مرقة الفراخ

نحمر المشروم في ملعقة سمن وبعدين نشيله في طبق جانبي

نقلب الدقيق في نفس السمن مع اضافة ملح قليل وفلفل

نضيف المرقة تدريجي باليد الشمال ونقلب باليمين 

ونستمر في التقليب لحد لما تندمج المرقة مع الدقيق

واهم حاجة اننا نسيب فيها البصل اللي بيكون موجود في المرقة

نضيف الكريمة ونضرب الشوربة في الخلاط

نرجعها الحلة ونضيفلها الفراخ والمشروم ونغليها دقيقتين علشان 

يندمجوا مع بعض ونطفي النار

ووتقدم بالف هنا وشفا

***************************************

شوربه سى فود بالكريمه 

قطعة من سمك فيليه (اي نوع منزوع الجلد والشوك )-كمية من 

الجمبري -كمية من الجندوفلي (القواقع )-3او 4وحدات كابوريا 

انا محددتش كميات الجمبري والجندوفلي لان الكمية حسب الذوق 

حنحط كل المكونات مع بعض ماعدا السمك 

نحطهم في حلة علي النار وكمية كافية لسلقهم ونقطع بصلة

 متوسطة مكعبات والملح ونسيبهم لحد لما يستووا

في حلة تانية نبشر بصلة ونقلبها مع ملعقة سمن علي النار لحد 

لما تذبل فقط

نضيف قطعة السمك بعد لما نقطعها قطع صغيرة ونقلب

نضيف حبة فلفل اخضر (او حار حسب الرغبة )مقطعة وفصين توم 

مفرومين ونقلب

لحد لما كله يذبل

اضيف المرقة السابقة بكل مافيها 

بس انا هنا قشرت الجمبري قبل ما اضيفه

كدة اصبحت شوربة سي فود جاهزة بدون كريمة

حنجيب نص كوب كبير كريمة لباني ونقلب معاها ملعقة من الدقيق

نضيفها علي الشوربة اول لما تغلي ونقلب لحد لما يتجانسوا 

ونطفي النار

وتقدم بالف هنا وشفا

***********************************