حلويات

حلويات 

- الكسترد بصوص الفراوله

2ملعقة نشا - سكر للتحلية حسب الذوق -فانيليا -بيضة كاملة -قليل من الحليب (حوالي 

مقدار فنجان قهوة )- 2كوب حليب -نص كوب كريمة لباني

نقلب البيضة والسكر والنشا وفنجان الحليب كويس جدا

نغلي الحليب وناخد جزء منه نضيفه علي الخليط السابق ثم 

نوطي 

النار ونحط الخليط مع التقليب علي الحليب اللي علي النار

نقلب كويس اثناء غليانه ونتذوق السكر ان احتاج زيادة ونضيف 

الفانيليا

ولما الخليط يطخن نحط الكريمة ونقلب ونطفي النار

نغرف في اطباق صغيرة تلت الطبق فقط

بالشكل ده 

نفرم فراولة حوالي نص كيلو او اقل ونحليها قليلا ونحطها تغلي 

علي النار لحد لما يغلظ قوامها

نصب حوالي 2ملعقة كبيرة من الفراولة فوق الكستر او نغطي 

الوجه بطبقة رقيقة حسب حجم الطبق

نصب كستر مرة تانية علي صوص الفراولة بس مش لاخر الطبق 

ونسيب الاطباق لغاية لما يبرد

نحضر كريم شانتيه او قشطة مخفوقة ونحطها في كيس تزيين 

ونغطي الوجه

يبرد ويؤكل بالف صحة وعافية

**********************************

فطيره التفاح 

المقادير : نص كوب سكر -بيضة -2كوب دقيق -تلات ارباع كوب زبدة 

او سمن-فانيليا-3حبات تفاح-باتستري كريم او كستر جاهز

الطريقة:نضرب السمن مع السكر

نضيف البيضة والفانيليا ونضرب ولما يندمجوا اضيف الدقيق ويقلب 

باليد لحين الحصول علي عجينة متماسكة وده مش بياخد وقت 

كتير 

للتقليب

بعد لما ترتاح افرها واحطها في قالب له قاعدة متحركة (ضروري) 

وافردها كويس في القاعدة

وانغز فيها بالشوكة في كل مكان

واغطيها بالفويل وادخلها علي فرن متسخن من قبل علي حرارة 

متوسطة وبعد ربع ساهة اشيل الفويل واسيبها تكمل السوا لحين 

الحصول علي اللون الدهب

بعد خروجها من الفرن اسيبها تبرد حوالي 10 دقايق واصب فيها 

الكستر او كريمة الباتستري

احضر الباتستري كريم 

وارص التفاح المقشر ومقطع ممكن تسلقيه نص سلق وممكن 

مش 

يتسلق انا هنا ماسلقتوش بس سيبت واحدة بقشرها كناحية 

جمالية والصورة توضح

ارش عليها سكر بودرة وملعقة كبيرة قرفة وادخلها الفرن مرة تانية 

علي حرارة اعلي شوية من اللي استوت فيها واسيبها ربع ساعة 

او اكتر حسب الفرن بس مش اسيبها علشان ماتتحرقش لحد لما 

الاقي التفاح بدا يذبل

وبالف هنا وشفا تؤكل لوحدها او مع الايس كريم

*******************************

أيس كريم الزبادى بالفواكه

كوب كريمة لباني -مقدار فنجان القهوة عسل نحل -2كوب زبادي 

الحجم الصغير -تلتين كوب توت او فراولة مفرومة في الكبة او الفود 

بروسيسور 

نحط الكريمة في طبق غويط ونضيف عليها العسل والزبادي

نضرب بالمضرب الكهربي الخليط لغاية لما يتجانس

هنا بعد الضرب والكل تجانس

نضيف الفاكهة ونضرب

بعد لما جميع المكونات تختلط مع بعض نحط الخليط في علبة 

بلاستيك ونغطيها ونشيلها في الفريزر حوالي 5 ساعات او لحين 

ماتتجمد

نغرف بملعقة ايس كريم

وبالف هنا شفا صنف  لذيذ وسهل ومغذي

*********************************

صينيه القرع العسلى 

اول حاجة طريقة التقشير

اسهل طريقة نوقف القرع علي طبق كبير او صينية وننزل بالسكينة 

من فوق لتحت وبعد التقشير نقطعها نصين

ننضفها من جوة بملعقة

نكحت الجزء الطري من جوة (وممكن ناخد اللب نغسله وننشفه 

في الشمس ونحمصه في الفرن ونضيف له الملح )

نقطع مكعبات صغيره

نحطها في حلة علي نار متوسطة مع اضافة السكر حسب المذاق 

ونغطيها ونسيبها علي النار بدون اضافة مية لانها هي حتنزل مية

هنا بعد لما استوت وواضح السوايل 

نحطها في مصفاة علي طبق او اي وعاء لاننا حنحتاج السائل ده

في وعاء تاني اقلب 3ملعقة دقيق مع 3ملعقة سمن لحد لما 

الدقيق يتشرب السمن

اضيف كوب ونص حليب وفانيليا واقلب علي طول علشان مايتكتلش 

حيبقي بشاميل اضيف عليه كمية من السائل اللي نزل من القرع 

علشان احلي بيه البشاميل واقلب لحد لما احصل علي بشاميل 

طري ومذاقه حلو حسب الذوق

حناخد كمية صغيرة من البشاميل ونقلبها مع القرع 

نجيب صينية فرن ندهنها سمن ونصب فيها القرع بارتفاع نص ارتفاع 

الصينية وممكن نشيل الزيادة في الفريزر

نصب البشاميل فوق القرع بالتساوي

نرش بقسماط مطحون (زي اللي بنعمل بيه البفتيك )

نرشه بالمصفاه علشان يتوزع بالتساوي

 وندخله الفرن لفترة قليلة لحد لما الوش ياخد لون دهبي خفيف 

ويتماسك البشاميل

هنا بعد خروجها من الفرن

شوفوا جمال الالوان من الجنب

تقطع بعد لما تبرد وتقدم بالف هنا وشفا

ان شاء الله تعجبكم

بالف صحة وعافية

*****************************

مينى كنافه

نحضر الكنافة بتقطيعها ودعكها بالسمن

نحضر قوالب الكب كيك ونحط فيها كمية من الكنافة ونضغط عليها

بقالب تاني ولو مش موجود نضغط بقاعدة كوباية

نحط الحشو من مكسرات او سوداني حسب الرغبة

نغطي بطبقة تانية من الكنافة ونضغط بالكوباية تاني وندخلها الفرن

لما الوش يحمر نقلبها علي صينية لو كانت استوت من تحت ومن 

فوق نسقيها الشربات

اما لو لسة ماستوتش ندخلها الفرن بالصينية اللي اتقلبت عليها 

تكمل سوا

نسقيها الشربات وننقلها لورق البيليسيه لو موجود بيبقي ناحية 

تجميلية وفي نفس الوقت نضافة لليد

ده شكلها من جوه 

اما في حالة لو عايزينها بالكريمة حنعمل طبقة كنافة في القالب 

بدون حشو وبعد لما تستوي نسقيها كمية قليلة من الشربات 

علشان ماتلزقش في القالب حتبقي كانها اقراص كنافة

نقلب القالب ونسيب الكنافة تبرد وبعد لما تبرد نحط اما كريم 

شانتيه او قشطة او باتستري كريم

نحط عليها قرص كنافة تاني ونزينه من علي الوش حسب الرغبة

انا هنا حطيت علي الوش ملعقة كريمة وعليها قليل من الفسدق 

وحبة كريز

تقدم كانها قطع جاتوه وبشكل مختلف عن المعتاد

و بالهنا و الشفا

***************************************