وصفات خضروات

وصفات طهى الخضار 

- صينيه بطاطس بالجبنه 

نحضر بطاطس مسلوقة ومهروسة وعليها بيضة مخفوقة ومتقلبة 

معاه وملح وفلفل(قليل علشان الجبنة فيها ملح ) -بيضة وجبنة 

موتزاريللا للوجه

الحشوة : قطعة جبن ابيض او فيتا في حجم علبتين كبريت -4 او

5قطع جبن كيري (ممكن يزيدوا لو الجبن الابيض حادق وننقص 

الجبن الابيض ) -بيضة

نقلب خليط الجبنة بالبيض في طبق

ندهن صينية بالسمن ونبطط نص كمية البطاطس فيها ونوزع خليط الجبنة فوقها

نحط الطبقة التانية من البطاطس (ناخد جزء ونبططه بين اليدين 

ونحطه فوق الجبنة ثم جزء تاني وهكذا وفي النهاية نساويه )

نرش عليه الموتزاريللا وعليه بيضا مخفوقة وندخلها الفرن لغاية لما 

تاخد لو دهبي

وده الشكل بعد رش البيضه 

تقطع بعد لما تهدا شوية

وبالف هنا وشفا صنف جانبي مغذي وينفع في ال3 وجبات

****************************

باميه باللحمه الضانى 

نسلق اللحمة مع بصلة مقطعة وملح وفلفل ونتركها علي مانعمل 

البامية

نقطع بصلة متوسطة في زيت او سمن قليل ونحمره لحد لما ياخد 

اللون الدهبي

نضيف عصير 4 او5 حبات طماطم

نسيها لحد لما تتصلص وتطخن ونضيف عليها الفلفل الاسود

نضيف حوالي كوبين من المرقة

اول لما تغلي احط البامية حوالي نص كيلو وملعقة توم مفروم 

واسيبهم لحد لما تغلي ولو كانت مجمدة مش نسيبها كتير علي 

النار علشان ماتتهريش

نضيف اللحمة المسلوقة والملح حسب الذوق

ونصبها في طاجن فرن

نرص ترنشات الطماطم والفلفل الاخضر او حار حسب الرغبة


 وندخللطاجن الفرن لحد لما وشه يحمر او تذبل الطماطم

مع بابا غنوج والطماطم المخللة والليمون

صحة وعافية

*******************************************

طاجن التورلى 

حنحضر مجموعة مختلفة من الخضروات المشكلة ننضفها ونقطعها 

بس نراعي ان فيه اصناف زي الجزر بتاخد نار اكتر فنقطعها بحجم

ارق من الباقي

نقطع بصلة متوسطة ونحمرها في ملعقة سمن

نضيف عليها الطماطم المعصورة ومعاها ملعقة صغيرة فلفل اسود 

ونسيبها لحد لما تصلص وتطخن في قوامها

نضيف عليها الخضار ونزود بالمرقة الكافية لتغطية الخضار واول لما 

تغلي نغطيها ونوطي النار

اول لما توصل لتلات ارباع سوا نحط عليها لحمة مفرومة ومعصجة 

في بصل وملح وفلفل

نظبط الملح حسب الذوق ونصب الخضار بالصلة في طاجن

نزين علي الوش ببصلة صغيرة مقطعة ترنشات مع حبة طماطم 

وفلفل رومي وحار لو بنحب سبايسبي

وندخل الطاجن الفرن مدة حوالي نص ساعة او لحين احمرار الخضار 

اللي علي الوش

وبالف هنا وشفا

****************************************

صينيه البطاطس بالفيليه

حنحضر نص كيلو فيليه فراخ ونقطعه شرايح صغيرة

نحضر البطاطس الصغيرة اللي في حجم الليمونة ونسلقها


 ونقشرهاحوالي نص كيلو

نجيب طاسة فيها شوية زيت صغيرين ونقلب الفيليه فيها علي النار

نضيف الملح والفلفل وتوم كتير ونستمر في التقليب

نضيف البطاطس ونقلب

احضر بصله مقطعة جوليانو وحبة فلفل رومي ولو حبينا نذود فلفلة 

حامية حسب الرغبة و2طماطم مقطعة زي السلطة

اضيفهم للطاسه واستمر في التقليب لحد لما ميتهم تنشف

اذود شوية ميه واظبط الملح علشان الخضار اللي انضاف للطبخة 

ولما المية تغلي احطه في طاجن او صينية وادخله الفرن لحد لما 

ياخد لون ويطري البطاطس

وهنا بعد خروجها من الفرن

وبالف هنا وشفا

**********************************

المسقعه بالباشميل 

نحضر باذنجان مقلي -بشاميل (نقلب 3ملاعق دقيق في 3 ملاعق 

سمن ونضيف عليهم 2كوب حليب ونقلب لحد لما يطخن القوام )-

لحم مفروم مستوية مضاف اليها صلصة محمر معاها فصين توم

نحط الباذنجان في الصينية وعليها طبقة كثيفة من المفروم

نصب عليها البشاميل

ونرش علي الوش جبنة موتزاريللا وده اختياري وندخلها الفرن لحد 

لما تاخد لون دهبي

وبالف صحة وعافية

***********************************

محشى الورق العنب 

نبدا بالخلطة : نقلب بصلة مبشورة علي النار في شوية زيت 

صغيرين

اول لما تصفر فقط اضيف عصير الطماطم

لما الطماطم تطخن احط الرز المغسول واقلب واطفي النار

احط شبت وبقدونس مقطعين وملح وفلفل وملعقة نعناع ناشف

يسلق ورق العنب لو كان في اوانه اما لو تخزين يستخدم علي 

طول 

طريقة اللف : اما علي اليد او نفردها علي طبق ونلف بالترتيب زي 

الصور اللي جاية

نحط العروق اللي قطعناها من ورق العنب في قاع الحلة او ترنشات 

بصل بحيث تكون فيه طبقة فاصلة علشان اللي في القاع 

ماينحرقش

نرص المحشي بالترتيب مع مراعاة نهاية اللفة تكون لتحت علشان 

مايتفكش 

نسقي الحلة بالمرقة مع مكعب ماجي بحيث المرقة تغطي 

المحشي ولما يغلي نوطي النار لحين السوا 

ملحوظة : لو مش ملفوف كويس ممكن يفك علشان كدة ممكن 

نحط علي وش الحلة طبق بايريكس او اي طبق قابل للحرارة

بالف هنا وشفا

***************************************