اطباق جانبيه و مقبلات

أشهى الأطباق الجانبيه و المقبلات

- كرات البطاطس بالجبنه 

نص كيلو صدور فراخ مخلية ومفرومة-2حبة بطاطس متوسطة الحجم ومسلوقة 

ومهروسة-جبنة كيري -دقيق وبيض وبقسماط مطحون-ملعقة كبيرة نشا

نحط البطاطس علي الصدور المفرومة ومعاهم النشا وملح وفلفل 

ونقلبهم كويس

ناخد جزء من العجينة ونبططه ونحط فيه حسب حجمه نص حبة 

كيري او اكتر ونقفلها كويس ونكورها

((احنا ممكن نستخدم اي نوع جبنة مثلثات بدل الكيري بس في 

الحالة دي نقلل الملح في العجينة لان الجبنة مالمثلات ملحها اكتر 

من الكيرى

هنا الكمية كلها بعد لما خلصنا

نحضر طبقين بيض مخفوق والتاني فيه البقسماط

نغلي زيت غزير

نغطس الكرة في البيض ونرفعها بشوكة زي الصورة علشان ننزل 

البيض الزايد لانه بيغير شكل الكرة في القلي

ننقل الكرة للبقسماط ونقلبها كويس ونحطها في الزيت

و ده شكلها فى الزيت 

شوفوا متماسكة ومحافظة علي شكلها

بعد لما ننقلها علي ورق مطبخ تقدم مع السلطة بالف هنا وشفا

اتمني تجربوها وان شاء الله تعجبكم وتعجب الاسرة

و ده شكلها من جوه 

ممكن في التقديم نحط خلة الاسنان كدة

و بالهنا و الشفا 

*******************************

صينيه الرقاق المصرى

نجيب واحدة من الرقاق ونسقيها بالمرقةمن كل جانب ونكون 

حاطين بولة كبيرة من تحت علشان نسقي من فوقها (طريقه عمل 

الرقاق موجوده فى قسم العجائن )

نجيب صينية ندهنها سمن ونحط فيها الرقاقة اللي اتسقت المرقة 

ونرش فوقها ملعقة سمن ونسقي الرقاقة التانية ونحطها فوقها 

وهكذا لحد لما يبقوا 4 رقاقات

احط اللحمة المفرومة المستوية بالبصل والملح والفلفل

واسقي رقاقة بالمرقة واغطي بيها المفروم وارش سمن واعمل 

الرقاقة التانية وهكذا 4 رقاقات تانيين

نسيب الصينية نص ساعة تستريح وبعدين ندخلها الفرن لحد لما 

تاخد لون دهبي

هنا بعد لما استريحت ونلاحظ انها اصبحت طرية بعد لما تشربت 

المرقة كويس

هنا بعد خروجها من الفرن

و بالهنا و الشفا 

********************************

أرز بالبسله و المكسرات 

رز بسمتي -بسلة وجزر مسلوقين نص سوا- لوز مقشر ومقلي -

لحم مفرومة معصجة بالبصل والملح والفلفل -مرقة تكفي لتسوية 

الرز

نحط المرقة علي النار واول لما تغلي نسقط الرز المغسول

نضيف عليه البسلة والجزر والملح ونقلب ونوطي النار

وبعد حوالي ربع ساعة نقلبه مرة تانية ونسيبه لحد لما يستوي

هنا الرز بعد السوا وطفينا النار

نحط عليه اللحمة المفرومة ونقلب كويس

وده الشكل النهائي

نغرفه في سيرفيس كبير علشان يكفي نحط عليه اي صنف 

مشويات

نرش عليه اللوز المقلي

بالف هنا وشفا

************************************

الشكشوكه 

5 بيض-حبة بصلة متوسطةمقطعة مكعبات -حبة فلفل اخضر مقطعة 

قطع صغيرة -2حبة طماطم متوسطة مقطعة مكعبات صغيرة -ملعقة 

كبيرة سمن 

يحمر البصل في السمن لحد لما ياخد اللون الدهبي

اضيف الفلفل واقلب دقيقة

نحط الطماطم علي الفلفل ونقلبها ونوطي النار لحد لما الطماطم 

تدبل

هنا بعد لما الطماطم دبلت تماما وخرجت سائلها

اعلي النار واضيف البيض والملح حسب الذوق واسيبها دقيقة 

وبعدين اقلب علشان يظهر الابيض والاصفر للبيض ويديني الوان

تقدم ساخنة في الحال و بالهنا و الشفا 

*******************************

الكشك المصرى 

اجيب مرقة دسمة ولتكن مرقه دجاج حوالي 2 كوب او اكتر واغسل

 كمية قليلة من الرز حوالي ملعقة او اتنين واسويه في المرقة 

واوطي النار بحيث يستوي ويكون لسة فيه مرقة كانها شوربة

اجيب كوب حليب واقلب معاه ملعقة كبيرة دقيق وممكن نزود ملعقة 

حليب بودرة بتخلي الطبق غني او ملعقة قشطة

اضيف الحليب تدريجي للرز بالمرقة زي الصورة الرز مستوي بس فيه 

مرقة واقلب لحد لما الخليط يطخن شوية

يغرف في الاطباق ويرش عليه التقليه (ممكن قبل وضع التقلية نحط 

قطع فراخ مسلوقة ومخلية ومقطعة قطع صغيرة )

لعمل التقلية:اقلب بصلة مقطعه مع ملعقة سمن

واول لما تصفر اضيف ملعقة توم مفروم لحد لما يحمروا واحطها علي 

وش الاطباق

وهنا بعد لما حطينا التقلية علي وش الطبق ويقدم بارد بالف هنا 

وشفا

*******************************